Perna
Pernam, ubi eam cum caricis plurimis
elixaveris et tribus lauri foliis. Detracta cute, tessellatim incidis et melle
complebis. Deinde farinam oleo subactam conteres et ei corium reddis ut, cum
farina cocta fuerit, eximas furno ut est, et inferes.
Pernae cocturam : Ex aqua cum Caricis cocta simpliciter, ut solet, inlata cum buccellis, caroeno vel condito. Melius, si cum musteis.
Apicius, De re coquinaria,
VII.