Accipies rosas et exfoliabis, album tolles, mittes in mortarium, suffundes liquamen, fricabis. Postea mittes liquaminis ciatum unum semis et sucum per colum colabis. Accipies cerebella quattuor, enervabis et teres piperis scripulos octo, suffundes ex suco, fricabis. Postea ova octo frangis, vini ciatum unum semis et passi ciatum unum, olei modicum. Postea patinam perungues et eam impones cineri calido, et sic impensam supra scriptam mittes. Cum cocta fuerit in thermospodio, piperis pulverem super asparges et inferes.

Apicius, De Re coquinaria, IV.